BAWTISMO: SA NGALAN SA AMAHAN, SA ANAK, UG SA ESPIRITU SANTO O KAHA SA NGALAN NI HESU-KRISO?

 

Ron Halbrook, 3505 Horse Run Ct., Shepherdsville, KY 77486-6954 (halbrook@twc.com)

BAWTISMO: SA NGALAN SA AMAHAN, SA ANAK, UG SA ESPIRITU SANTO O KAHA SA NGALAN NI HESU-KRISO?

Sa matag panahon, adunay mga diskasyon bahin sa kun ang bawtismo kay “sa ngalan sa Amahan, sa Anak ug sa Espirito Santo” o kaha “sa ngalan ni Hesu-Kristo”. (Matt. 28:19; Buhat 2:38) Kini mao ang duha!

 
“Sa Ngalan sa:” Katungod, Gahom, Katungod sa Pagsugo

“Sa ngalan sa” wala nagapasabot nga ritwal nga pormula sa pulong aron nga pagahisgutan kun adunay bawtismohan apan nagatudlo kun sa unsang katungod ang bawtismo nga pagabuhaton.

Ang mga liders sa mga Hudyo nangutana kay Hesus bahin sa mga butang nga iyang gitudlo ug ginabuhat apail na ang bawtismo, “Sa unsang katungod nga imo kining ginabuhat? Ug kinsa man naghatag kanimo ug katungod?” Si Hesus nagsulti na ang ilang pangutana matubag kun sila magtubag sa mao usab nga pangutana: “Ang bawtismo ni Juan, asa man kini gikan? sa langit or sa mga tao? Sila nagdumili sa pagtubag sa pangutana (Matt. 21:23-27).

Niining debate bahin sa isyu sa katungod, ang mga liders sa Hudyo ug si Hesus wala maghisgot bahin sa ritwal nga pormula ang sakto apan kun ang mga butang nga gitudlo ug ginabuhat kay may diosnong katungod. Wala kita mahibalo kun unsa ang ginasulti ni Juan, o ni Hesus o sa mga Apostoles sa dihang sila nagbawtismo apan kita nasayod nga sila adunay diosnong katungod bahin sa ilang giwali ug gibuhat bahin sa bawtismo.
       
Mao usab nga pulong nga gihubad “katungod” diha sa Matthew 21 nga gibuhad “gahom” diha sa Matthew 28:18. Sa paghatag sa Dakong Sugo, si Hesus miingon “Ang tanang gahom gihatag kanako gikan sa langit ug sa yuta.” Kana nga pagsulti nagapamatood sa iyang pagka Dios tungod kay ang Dios lamang ang adunay tanan nga katungod ug gahom. Ang iyang pagkaDios napamatud-an sa dihang iyang nadaog ang kamatayon. Mao nga kun unsa man ang iyang gisugo, mao ang sugo sa pagka Dios – kini gikan sa Dios dili gikan sa usa lamang ka tao

       
Adunay tulo ka persona diha sa pagkaDIOS: Ang Amahan, Ang Pulong o ang Anak ug ang Espiritu Santo. Ang pagkaDIOS nagbuhat sa perpekto nga hapsay tungod ang tulo nagabahin sa katibuk-an nga pareho nga kinaiya sa pagka DIOS. Ang tanan nga membro sa pagkaDIOS kay aktibo sa pagbuhat sa uniberso.  (Gen. 1:1-2, 26; Jn. 1:1-3).  Ang mga milagro ni Hesus kay mga buhat sa Dios, nagapatood “Ako ug ang akong Amahan usa…Ako mao ang Anak sa Dios….Ang Amahan anaa kanako ug Ako anaa Kaniya.” Ang mga Hudyo nakasabot nga si Hesus naga-angkon nga siya Dios diha sa unod (Jn. 10:22-38). 
       
Ang perpekto nga paghiusa ug katibuk-an nga katungod sa tulo ka mga persona diha sa pagkaDIOS kay gipamatud-an sa pagwali sa ebanghelyo. “Busa panglakaw kamo ug tudloa ang tanang kanasoran, bawtismoha sila sa ngalan sa Amahan, ug sa Anak ug sa Espiritu Santo” (Matt. 28:19).  Ang ebanghelyo, apil ang sugo sa bawtismo, kay iwali ug pagabuhaton sa ngalan sa Dios, or pagkaDIOS. “Ngalan” kay usa lamang, naga representar sa pagkahiusa o pagkausa sa pagkaDIOS nga gibahin sa tulo ka persona. Ang “ngalan” sa Dios – sa Iyang Kinaiya, Gahom ug Katungod – naga representar sa Iyang katungod . Ang mga tao kinahanglan tudloan ug bawtismohan pinaagi sa katungod sa usa ka tinood na Dios: Ang Amahan, ang Anak ug ang Espiritu Santo.

BAWTISMO “SA NGALAN NI HESU-KRISTO”
       
Sa adlaw sa Pentocest diha sa Buhat 2, si Pedro nagwali “Si bisan kinsa nga magtawag sa ngalan sa Ginoo maluwas,” o sa lain nga pagkasulti, “Maghinulsol, ug magpabawtismo ang matag-usa kaninyo sa ngalan ni Hesu-Kristo alang sa kapasayloan sa inyong mga sala, ug inyong madawat ang gasa sa Espiritu Santo” (vv. 21, 38).  Kun ang “ngalan” diria nagapasabot pormula sa mga pulong, kini dapat pagahisgutan sa tao nga bawtismohan dili ang magbawtismo.

Ang pormula dapat dapat e litok kaduha: una kun ang makasasala maghinulsol ug ikaduha sa dihang siya bawtismohan. Isa pa, ang pormula wala nagpares sa duha ka mga bersikulo: “sa ngalan sa Ginoo” ug “sa ngalan ni Hesu-Kristo”.

Dugang pa, tungod kay kinahanglan nato “buhaton ang tanan sa ngalan ni Ginoong Hesu-Kristo,” kini na ritwal kinahanglan atong buhaton sa matag butang nga atong ginahimo sa tibook natong kinabuhi – kinahanglan adunay usa ka tao nga magkuyog kanato, maglitok sa pormula sa matagbuhat nat sa pito ka adlaw matag semana, bente kwatro oras sa isa ka adlaw (Col. 3:17). 
       
Si Pedro wala nagwali ug pormula nga e litok apan nagpamatood nga ang mensahi nga iyang giwali mao ang sugo gikan sa Ginoo, - mao ana ang pinaagi ni Hesu-Kristo, mao kana nga matod pa ni Hesu-Kristo pinaagi sa Amahan, sa Anak ug sa Espirito Santo.

Sa dhang si Haring David nagpadala ug usa ka tao alang sa misyon “sa ngalan ni David”, kinahanglan pa ba nianang tawhana nga magtindog ug magtawag sa ngalan ni David sa dihang manamilit sa kay David?

Kun dili, pasabot ang usa pwede nga magbuhat ug usa ka butang “sa ngalan sa” sa usa bisan dili na kinahanglan magbalik-balik ug litok sa mga pormula nga pulong. (1 Sam. 25:5, 9)? 

Dugang pa, si David nakig-away kay Goliath “sa ngalan sa Ginoo” (1 Sam. 17:45) Si David sa iyang kaugalingon, unya kinsa man ang nag litok sa pagtawag sa ngalan sa Ginoo alang kaniya? Wala gayud!

Si David miadto nga nakig-away kay Goliath sa ngalan, sa katungod sa Ginoo ug iyang gibuhat nga bisan walay nag litok sa pormula sa pulong alang kaniya. Busa, pwede nga ang usa magbuhat “sa ngalan sa Ginoo” –“sa ngalan ni Hesu-Kristo”—“sa ngalan sa Amahan, ug sa Anak ug sa Espiritu Santo”---bisan dili na magbalik-balik ug litok sa pormula sa mga pulong.

       
Adunay perpekto nga hapsay diha sa pagkaDIOS kun unsa ang buhaton sa mga tao aron motoo ug magtuman alang sa kaluwasan. Ang pagtuman sa ebanghelyo mao ang pagpangita ug pagdawat sa kaluwasan gikan sa Ginoo, gikan sa kay Hesu-Kristo o sa pagsulti sa lain nga pamaagi, gikan sa Amahan, sa Anak ug sa Espirito Santo.
 
PAG-AYO “SA NGALAN NI HESU-KRISTO”
       
Sa Buhat 3 si Pedro nag-ayo sa tao “sa ngalan ni Hesu-Kristo” ug nagpasabot nga pinaagi sa iyang ngalan ang tanang tao maluwas gikan sa ilang mga sala (vv. 6, 19, 26).  Kini dili pasabot nga ang usa kinahanglan maglitok ug pormula nga mga pulong diha kay Pedro sama sa iyang pag-ayo sa tao. Sa pagpadayon sa mga Apostoloes sa pagwali “pinaagi kay Hesus nga pagkabanhaw gikan sa mga patay” ang mga lider sa mga Hudyo nanginahanglan ug tubag sa ilang pangutana “sa unsang gahom, or sa unsang ngalan” nga sila nagwali ug nagbuhat ug mga milagro.

Aron sa pagpatin-aw “sa unsang pamaagi” kining mga butanga nga ginabuhat, si Pedro nagsulti nga “pinaagi sa ngalan ni Hesu-Kristo…, bisan alang kaniya…Wala nay kaluwasan pa sa uban: tungod wala nay laing ngalan nga gihatag sa mga tao, kun hain kita maluwas.”Human nga ang mga Apostoles gipanghadlok ug gipagawas, ila kining gisugid sa mga kaigsoonan, nga nagpamatikdan nga si Hesus mismo gi-abuso man usab.  : “Ang mga hari say uta nanagtindog ug batok kay Kristo” (Acts 4:1-12, 26).  Ang “ngalan” pareha lang sa “gahom” “pamaagi” kun unsa gibuhat ang usa ka butang. Kining mga butanga gibuhat diha “sa Ginoo” “iyang Kristo,” ug kun ang mga tao isalikway si Hesus ilang gisalikway ang Amahan.
 
PANAG-UYON DIHA SA PAGKADIOS
       
Tungod sa panag-uyon diha sa pagkaDios, kun unsa mag makita sa usa, naa usab sa usa bisan pa ang matag usa adunay buluhaton nga lahi sa usa. Halimbawa, tungod kay ang matag usa naglihok mag sa pagbuhat sa kalibutan, atong mahibal-an nga matag-usa kay Magbubuhat. Tungod kay ang matag usa naglihok sa paghatag sa atong kaluwasan, atong masulti nga ang atong kaluwasan anaa sa matag usa kanila. Tungog kay ang matag usa naa man sa singudan ug paghatag sa ebanghelyo, apil ang sugo sa bawtismo, mao nga tama ra nga kita magwali ug magbuhat sa bawtismo “sa ngalan sa Amahan, sa Anak ug sa Espirito Santo.” Ang pagdawat o pagsalikway sa bawtismo kay ang pagdawat o sa “bug-os nga tambag sa Dios” tungod kay Siya nagsugo niini (Lk. 7:30).  Mao usab, Si Kristo nagsugo niini: “Ang motoo ug magpabawtismo maluwas” (Mk. 16:16).  Mao usab, ang Espirito Santo nagpahayag ug nagsugo niini, aron kita “ipanganak diha sa tubig ug sa Espirito” (Jn. 3:5). Sa pagkatinood, tungod kay ang bawtismo sa ngalan ni Hesu-Kristo, kini sa ngalan sa Amahan, sa Anak ug sa Espirito Santo.  
       
Bago, sa dihang or human nga bawtismohan ang usa, pwede nato gamiton ang mga pulong sa  Matthew 28:19, Mark 16:16, John 3:5, Acts 2:21, Acts 2:38, Colossians 2:12, Titus 3:5, o unsa man nga mga bersikulo nga sakto sa okasyon.

Ang pagpugos sa linggwahe sa bisan unsa nga mga bersikulo ug sa paghigawas sa uban mao ang “kini siya nagapaburot sa iyang kaugalingon, siya walay alamag; gikaboangan niya ang pagpakiglantugi ug pagpakiglalis bahin sa mga pulong, nga mosangpot sa kasina, pagbahinbahin, pagsulti sa pagdaut sa uban, dautan nga mga katahap” Kita kinahanglan magtudlo sa mga “maayong pulong sa atong Ginoong Hesu-Kristo” ug kana apil ang mga pulong sa Matthew 28:19 (1 Tim. 6:3-5). [Published in Truth Magazine XLIV, 13 (July 6, 2000):398-99 (14-15)]

Written in English by Ron Halbrook BAPTISM:  IN THE NAME OF THE FATHER, THE SON, AND THE HOLY SPIRIT, OR IN THE NAME OF JESUS CHRIST?

Translated to Cebuano

Translated by   Men Mark Tumandan

 

October 14, 2023